“Tilshunoslik asoslari” fanining asosiy maqsadi tilshunoslikning asosiy yo‘nalishlari, uning bo‘limlari, o‘rganish ob’ekti, boshqa fanlar bilan aloqasi haqida ma’lumot berish, talabalarni tilshunoslik fanining asosiy tushunchalari, kategoriyalari haqidagi bilimlar bilan qurollantirish, talabalarda olingan bilimlarni amalda qo‘llay olish malakasini shakllantirish kabi vazifalarni hal etishni taqozo qiladi.
“Tilshunoslik asoslari” fani bo‘lajak o‘zbek tili va adabiyoti o‘qituvchilarini tilshunoslikning umumiy nazariy asoslari bilan tanishtiradi, talabalarga tilshunoslikning bo‘limlari bo‘yicha keyingi bosqichlarda o‘rganiladigan ixtisoslik fanlari uchun asos bilimlarni beradi
Ushbu fanning vazifalari til va jamiyat, tilning sistemasi va strukturasi, uning birliklari hamda tillarning taraqqiy etishi qonuniyatlari, tilning paydo bo‘lishi, jahon tillarining klassifikatsiyasi haqida nazariy bilimlar berishdan iboratdir.- Teacher: Sumbul Muxammedova